पिच्चरच्या स्टार्टिंगलाच कोलागडचं जंगल दिसतंय, मग हळू हळू वरुण हेलिकॉप्टरचा आवाज यायला लागतंय, थोडा येळ वाटतंय कीआता जंगलावरून उडणारं हिलिकॉप्टर दिसल पण अचानक स्क्रिनवरुण भुंगा बाहेर निघतंय. घर बंदूक बिर्याणीचं नेमकं असंच झालंय. हेमंत आवताडेंच्या खांद्यावर बंदूक ठिवून नागराज अण्णाने मारलेल्या गोळीचा नेम हुकलाय. चविष्ठ बिर्याणी करण्याच्या प्रामाणिकप्रयत्नात फोडनीचा भात होवून बसलाय.
पिच्चर बघताना नेमकं कुठं सिरियस व्हावं आन कुठं हसावं हेच समजत न्हवतं. मराठीला साऊथची फोडणी देण्याचा आण्णांनी झ्याकप्रयत्न केलाय पण हे करत असताना दोन जॉनर मिक्स करण्याच्या नादात चाल सोडून बिरयानीची फोडणीच बिघडली. समदा पिच्चरतयार हुस्तोर डायरेक्टरकडून त्यो शंभरयेळा तरी बघितला जात आस्तुय, मग`थेटरात ही बोअर मारील’ हे आण्णा सारख्या अनुभवीडायरेक्टरला एकदाबी का न्हाई लक्षात आलं ? कदाचित त्येंच्याकडून आपून जास्त आपेक्षा ठिवल्या आसत्याल्या म्हणूनबी आसं वाटतआसावं हे बी तितकच खरंय.
जवा पाठराखेची पोरं राया पाटलाला म्हणतात की `आमचा बाप कोण हाय तुला माहीत हाय का ?’ तवा राया पाटिल`समद्याचा बापएकच’ आसं म्हणून फ्रेममधून बाजुला जातो आन त्याच्या म्हागं छत्रपती शिवाजी महराजांचा अश्वारूढ पुतळा दिसतो. अख्ख्यापिच्चरमधी ह्यो सीन अंगावर काटा आणतो. मांसाहाराचे समर्थन करणारा गुराचा प्रदीर्घ डायलॉग आणि जॉर्जचे अस्सखलित हिंदीडायलॉग मनाला स्पर्शुन जातात. नागराजने रायाला, आमच्या विठ्ठलने जॉर्जला आन प्रवीणने गुराला पुरेपुर न्याय दिलाय. सोमा, सूरज, अरबाज, तानाजीनेही नैसर्गिक अभिनय केलाय.
जीबीबीनं डिपार्टमेंट मधलं बरं वाईट वास्तव ठळक केलंय, नक्षलवाद्यांचं म्हणणं सरकारपर्यंत पुहुचिवलंय, राज्यकर्त्यांचा बुरखाफाडलाय, लोकेशन परफेक्ट घेतल्यात, दुसऱ्या आन तिसऱ्या फळीत लंय मट्या आशील नटांला चान्स दिलाय. प्रफुल्लचंद्रच्या संगीतानेप्रफुल्लित केलंय. सायली जणू बिरयानीवर टाकलेल्या चेरीसारखी दिसलीये. रायाची एंट्री झक्कास जमलीये.
आन ह्ये बघा जर तुम्ही वशाट खाणारे असचाल तर पिच्चर बघून बिर्याणी खायची तलफ ह्येवढी जब्राट व्हइल की थेटरातून बाहिरपडताच पहिलं हाटेल गाठावं लागल. काय झाडी, काय डोंगार, काय बंदूक सगळं कसं ओक्केमधे नाय. काय राव आण्णा, थेटरात मस्तबोकडाची न्हायतर चिकनची बिरयानी खायला मिळल आसं वाटलं व्हतं पण तुम्ही राव माकडाची बिरयानी खाऊ घातली.
असो, झालं ते झालं बिरयानीची भांडी धुवून नव्या प्रयोगाला तयार ऱ्हावा, समद्यास्नी शुभेच्छा हैत. बाकी पिच्चरशौकिन्यांनो, बघण्याचाआणि लिव्हण्याचा ज्यजा त्येजा आंदाज निराळा आसतोय म्हणून परीक्षण वाचून पिच्चर बगावा का नगं ठरवू नगा. थेटरात जाऊनतुमच्या तुम्ही ठरवा पिच्चर कसा हाय ती.
आण्णा,
तुम्ही फेसबुकवरचं रिव्हिव वाचत न्हाईत म्हणून ह्यो लेख तुमच्या वॉलवर नाही टांगत. रोखठोक इचार मांडणारे खरे दोस्त असत्यात, ऊगंतुम्हासनी चांगलं वाटावं म्हणून ग्वाड ग्वाड लिव्हनं बुद्धीला पटलं नाय म्हणून ताटात वाढल्याली तुमची पिच्चररूपी बिरयानी खाऊन जेवाटलं ते इनाफिल्टर टायपीलंय. वलख राहू द्या !
ईशाल गरड
९ एप्रिल २०२३, पांगरी
No comments:
Post a Comment